ZALEN May 29, 2025 : Social Welfare, Women & Child Development Department chuan thuchhuah siamin, Section 42 of the Mizoram Drug (Controlled Substance) Act, 2016 in a phût angin Mizoram chhunga Drugs (Controlled Substance) De-addiction & Rehabilitation lam kaihhnawih a home emaw center emaw din reng rengte chuan Department of Social Welfare, Women & Child Development hnuaiah Accreditation tih (Dân anga inziahluh) vek tur a ni a.

Accreditation atana dilna (application) form hi June 1, 2025 atangin Centre din tum emaw/ ding tawh sa zawng zawng in Directorate of Social Welfare website socialwelfare.mizoram.gov.in atanga download-in, June ni 30 ral hmain document tul dang te nen Directorate Social Welfare E-mail swtamizoram@gmail.com ah a soft (scanned copy) theh luh leh tur a ni ang. Hemi bakah hian a hard copy-in Director Social Welfare-ah thehluh bawk tur a ni a, copy khat erawh mahni bialtu District Social Welfare Officer hnenah thehluh bawk tur ani ang.

District Accreditation Inspection team ten July thla chhungin inspection tih tur ani ang a, August ni 15, 2025 ral hma in inspection report hi Director, Social Welfare hnenah submit leh tur a ni.

Endikna (inspection) a tling Center te hi thla 6 Provisional Accreditation pek an ni phawt ang a, chumi chhungin dân in a phût ang minimum standards a siam te zawm turin hma an la ang a, thla 6 hnuah hian endik leh an ni ang. Tehfung hrang hrang hmanga endikna report te chu Accreditation Committee-in a ngaihtuah hnu ah tlinga pawm an nih chuan Accreditation hi pek an ni ang.