DOWNLOAD OUR APP

Read latest news on your phone
app-store
HOPE MUSIC vs GURU-GEE; Tunge dik a, tunge dik lo zawk?
May 10, 2023

Tun hnaiah social media kaltlangin an inbei ta vak mai a, legal notice hial an tichhuak - tunge dik a, tunge dik lo ta zawk ang le?

Hope Music chuan zaithiam kan la hriat ngai loh Guru-Gee chu 'Nang ngei i ni ' tih hla hmangin mipui hriatah an rawn pho chhuak a, a rawn lar thut a nih kha. Inremna fel tak neiin an thawk dun turah mipuiin an ngaih laiin an inkara buaina a chhuak ta tlat mai. 

Guru-Gee chuan he a hla atang hian hlawkna a tel lo niin a sawi a, mahse Hope Music lam chuan an inremna bakah sum leh paiin an tanpui niin an sawi ve thung. An inkarah hian Lalrinmawii a tla zep bawk a, Guru-Gee hian pawisa a mamawh avangin Hope Music hnenah hian Rs. 25000/- a dil tir. Hei hi Hope Music lam hian an pe ngei niin an sawi a, mahse Guru-Gee hian pawisa hi a dawng lo niin a sawi ve thung - thudik hailan a ngai ta. 

Guru-Gee hian Instagram live-ah Hope Music lam demna thu hi a sawi chhuak a, a thusawi hi GREENERY MIX VIDEO YouTube channel chuan an uplaod a, channel dang dang pawhin an tichhuak. Hei hi duh lohin Hope Music lam hian legal notice hmangin insawifiahna an tichhuak ve leh thung. 

Legal notice hi B. Lalramenga & Associates (Law Firm & Consultancy) chuan an tichhuak a, Guru-Gee hi Instagram kaltlanga legal notice pek atanga ni 10 ral hmaa insawifiahna tichhuak turin an hriattir. Hei bakah hian Lalrinmawii chu Guru-Gee pawisa tur Rs. 25,000/- chu ni 10 chhunga pe turin an tibawk a, YouTube-a Guru-Gee insawifiahna video upaload tute chu ni 10 ral hma ngeia paih (delete ) turin an hriattir bawk. Heng hi an zawm lo a nih chuan a tul anga hma lak zui a nih tur thu tarlan a ni bawk. 

Hetiang karah hian tunge dik lo ber a, tunge an inremna anga awm lo tih chu hriatthiam har tak a ni. Engpawh chu nise, YouTube leh thil dang atangin sum a lakluh theih miau avangin hetiang lama inhnamhnawihte chuan inremna ziak ngeia dah thlap a finthlak tih hre theuh se la, zawm ngei bawk se a duhawm hle. Tunge dik kan tih a, tunge dik lo kan tih tak ber? Comment lamah sawiho ang u hmiang....

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh