American Music Award sem dawn ta

zalenxhg - Nov 21, 2021

Kum tina sem thin American Music Award (AMA) chu vawiin Pathianni hian sem a ni dawn a, India ramah chuan naktuk zing dar 6:30am atangin a en theih ang. 

Kum tina sem thin American Music Award (AMA) chu vawiin Pathianni hian sem a ni dawn a, India ramah chuan naktuk zing dar 6:30am atangin a en theih ang. 
Kuminah hian award ceremony hi hmeichhe rapper Cardi B chuan a host dawn a, tun hnaia rawn lar chho em em Olivia Rodrigo a perform dawn bawk avangin a boruak a hot dawn. American singer Olivia Isabel Rodrigo hi AMA nominne hmu hnem ber a ni a, mimala langsar ber tur a ni ang. 
Hmeichhia an langsar
Kumin AMA-ah hian hmechhia an langsar dawn a, host atanga nominee thlengin hmeichhe lam an langsar. American rapper Cardi B chuan award semna hun hi a kaihruai dawn a, hei ngawt pawh hi en chakawm tak a ni. Music khawvelah nasa takin hming a chher tawh a, stage vela a che tla pawh a sitawm loh khawp ang. 
Kum 18 mi lek Olivia Rodrigo chu award dawng thei tura hming langsar ber niin, category pasarih laiah chhawpchhuah a ni. 
Cardi B pawh a vawi khat nan AMA a host dawn bakah category pathumah award dawng thei tura chhawpchhuah a ni a, mipui mit fukna tur a ni ang. 
BTS show
Korean boy band BTS chu AMA ngaihven hlawh ber tur zinga mi an ni - vawi hnih an perform bawn. BTS hian tun hnai khan Coldplay an thawhpui a, AMA pawh hian an perform ho dawn - British rock band rorum leh Korean mipa hair-style nalh tak tak ten stage an luah ho dawn a nih chu! BTS hian American hmeichhe rapper Megan Thee Stallion an perform pui dawn bawk. 
Puerto Rican rapper Bad Bunny chu mipui ngaihven ber tur pakhat a ni dawn bawk a, category pangaah a lan bakah - Tainy & Julieta Venegas te nen an perform dawn bawk. Anni bakah hian - Kane Brown, Chlöe, Diplo, Silk Sonic, Carrie Underwood leh Zoe Wees te chu an perform dawn bawk a ni. 
American Music Award 2021 hi Microsoft Theater, Los Angeles-ah sem a ni dawn a, live-a pekchhuah a ni ang. 

Share now