Aizawl: Covid 19 thawh 2-naah hapta 2 kalta chhung chu hapta 1 zel belhkhawmin hri kai thar hmuhchhuah a tlahniam tawh a, kar 2 liam taah point 4 a tlakhniam tawh hnuin 15.08% ah a awm a, kar liam ta khan 14.76% a tla leh bawk a ni.

September 26- Oct 2 hapta kha hri kai hmuhchhuah tam ber hapta niin 9768 (19.20%) an tling a, Oct 3 -9 chhungin 8194 (15.08%) ah a tlahniam a, kar liam ta Oct 10-16 belhkhawm chu 6992 (14.76%) niin point 1 in a tawlh thla leh a ni. Hri inkai dan hi hapta 2 enin tualchhung a tam ber ve ve a, kar 2 liam taah 8181 (99.84%) niin kar liam ta khan 6980 (99.82%) a ni bawk a. Ram pawn atanga lo lut chu 0.15% leh 0.17% chauh a ni bawk a ni.

Hapta khat zel anga chhutin discharge lam pawh Oct 3-9 chhungin 8352 (101.92%) niin Oct 10-16 kar liam ta khan 9408 (135%) niin damlo lut aiin dama chhuak hi an tam zawk a ni.