Nationalist Democratic Progressive Party Legislature Party (NDPPLP) chuan an hruaitu atan Neiphiu Rio an thlang.

Tun hnaia inthlan result a chian hnuah 14th Nagaland Legislative Assembly-a an MLA turte chu Nilaini khan Kohima-a party central office-ah an thukhawm a, Rio hi an hruaitu atan thlang lehin sorkar thar a siam ang.

NDPPLP chuan Nagaland-in NDPP chungah leh Chief Minister Rio chunga rinna an nghat leh 14th Nagaland Assembly-a sorkar siam leh tura an thlang chu lawmawm an tih thu an sawi.

NDPP Secretary General Abu Metha kaihhruai thutkhawmah hian Rio leh party president Chingwang Konyak te chuan MLA atana thlan thar mi 25-te chu an lawmpui thu an sawi.