DOWNLOAD OUR APP

Read latest news on your phone
app-store

Hruaitu ropui Zoramthanga leh Tawnluia te ang hi India ramah an awm ve lo- MNF Vice President

Sep 19, 2022

Mizo Hnam Runah chhung inkhawm Vawiin September ni 19, 2022 (Thawhtanni) a neiha hun hmangtu MNF Vice President, Lalthlengliana chuan MNF hruaitu anga kum 60 chhung ni hnih khat chauh pawh chawl lo, hruaitu ropui Zoramthanga leh Tawnluia te ang hi India ramah an awm ve lo niin a sawi.

Aizawl : Mizo Hnam Runah chhung inkhawm Vawiin September ni 19, 2022 (Thawhtanni) a neiha hun hmangtu MNF Vice President, Lalthlengliana chuan MNF hruaitu anga kum 60 chhung ni hnih khat chauh pawh chawl lo, hruaitu ropui Zoramthanga leh Tawnluia te ang hi India ramah an awm ve lo niin a sawi.

MNF Vice President  Lalthlengliana chuan, "Tun laiin mi thenkhatin social media-ah nuihza siam nan kan President Zoramthanga thlalak chhe tak taka siam danglamin an ti nasa a. Heng mite hi han chhui chiang i la, veng khat leh khaw khatah pawh miten engah mah an ngaih loh te an ni. Khawvel hmun dangah mahni hnam pui, mahni ram hruaitu nuihza siam nana hmang ve vak vak an awm ka ring lo. Heti khawpin sawisa mah se, Zoramthanga hian huatah en lovin vawi khat pawh a chhanlet lo," tiin, Zoramthanga leh Tawnluia chu hruaitu ropui leh nunnel tak a ni, a ti a, kum 20 chhung kan ram tan an rammu a, Pathian hriak thih an ni, a ti.

Lalthlengliana chuan Congress chungchang sawiin, "Vawiina political party dangin dawta min beihna zozaite hi hnunglamah dah i la. Mizo hnam mipui hian Nehemia anga rinawmin, kan ram hi i din thar leh ang u. Party dangin an sawi fo Kamrula hna pe tam bertu leh Mizo nihna petu pawh congress party an ni a. An sorkar laia Dihmunzawl In thiah man to uchuak chungchang te, kawng chhiat avanga kawngpuiah buh an phun te, kawngpuiah sangha note an chhuah te, Zocarbon chungchanga Truck thlawk thei te, pawisa an tih lapse zozai te, an zu zawrh avanga hmeithai leh fahrah an tamzia te, Pu Hawla helicopter chuan tam zia te kha keini chuan kan sawi kan sawi ve lo," a ti.

ZPM leader Lalduhoma chungchang sawiin, "Party hrang hrang dina awm kual, political party hrang hrang 10 chuanga awm tawh, a awmna chu tha ber anga sawi a, a chhuahsan party chu chhe bera chhuah zel hian kalphung thar sawiin, kalphung thar hmuh tur awm chuanglo hi engmah tak tak an ni ngailo ang," Lalthlengliana chuan a ti bawk.

Share now