ZALEN March 21, 2025 : Manipur-a Hmar leh Zomi inkar buaina kal zelah vawiin khan MZP Pisapui, Aizawl-ah MZP hruaitute kaihhruaina hnuaiah Hmar Students’ Association (HSA) leh Siamsinpawlpi (SSPP) hruaituten chuan Joint Meeting an nei a. Mizoramah buaina a kan kai zel loh nan leh remna a awm theih nan hmalak ho zel dan tur sawiho a ni.

Meeting hi MZP President H. Lalthianghlima chuabn a kaihruai a, Joint meeting chuan, heng a hnuaia tarlan ang hian thuchhuah intawn a siam :

1. Manipur-a Zofate inkarah buaina a thleng hi pawi kan ti a, inremna a awm theih nan theihtawpa hmalak ho zel nise kan ti.

2. Zofate inkarah chi leh chi intihthiam lohna awm hi tha kan ti lova, Zofate inkarah inpumkhatna a awm theih nan hmalakho zel tha kan ti.

3. Zofa unau karah inrem lohna thleng thin hi pawi kan ti hle a. Tun hnuah thleng nawn tawh lo se kan ti a. Hetiang thil hi theih tawpa do tlan zel nise kan ti.

4. Manipur Zofate inkara buaina avanga, Hmar Students’ Association (HSA) ten, Zomi’te tan pawm harsa tak thuchhuah a siam avanga rilru na leh thlabar an awm avangin meeting-ah hian HSA hruaitute chuan mipuite hnenah ngaihdam an dil a. Hemi avanga Siamsinpawlpi (SSPP)-in Police station pathum (3) a FIR an lo thehluh tawh chu hnuhdawh (withdraw) an remti bawk.