Aizawl: Central YMA chuan kumin HSLC leh HSSLC result tihchhuah taka top 10 a pass Mizote chawimawina hun August ni 12, 2020 hian neih nise an ti a, top 10-te hi thuziak leh pawisa fai hlan an ni ang.

Zirtawpnia YMA thuneitu sang, CEC thukhawm chuan district thar pathum Hnahthial, Khawzawl leh Saitual a Sub. Hqrs. din chungchang Study Group te hnen atanga zirchianna an dawn chu an sawiho a, Sub. Hqrs. hawn hun tur leh kalpui zui dan tur chu Study team leh CYMA OB te lo ruahman turin an dah a ni.

CEC thukhawm chuan khawchhak lam lirnghing tuar Group pathum - Tuipuiral, Vanhnuailiana leh Tuichangral ‘S’ te tlawh nise, group pathumte hi thingpui lumna Rs. 10,000/- theuh pek nise an ti a. Hei bakah YMA Branch thar pathum Kharzawl Branch (Serlui Group); Halam Punjee Branch (Zampuimanga Group) leh Venglai East, Kolasib te pawmpui a ni. Heti hian CYMA hnuaiah Branch 811 an awm dawn ta a ni. Kolasib te pawmpui a ni. Heti hian CYMA hnuaiah Branch 811 an awm dawn ta a ni.