Tunah chuan hmuh tur a awm ta meuh lo a, a awm chhun pawh a hlui lam an ni ve tawh hlawm - mi tam tak ngainat Hunk bike chu chhawp chhuah a ni leh dawn nia tarlan a ni. 

Kum 2007 khan Hero chuan Hunk hi an rawn siam chhuak a, hralh pawh a kal hle. Mizoramah pawh a hun lai chuan hralh kal berte zinga mi a ni a, mahse an reh zui vang vang. Kum 20 dawn hnuah an rawn thar thawh leh dawn niin media hrang hrangah tarlan a ni a, a hun tur erawh tihchian a la awm lo. 

Hero Hunk hi 160cc niin, a performance a that avangin fak a hlawh viau. Tun lai thiamna changkang zawk nen an rawn chhawp chhuak leh dawn tih thawm a awm rualin ngaihven pawh a hlawh nghal hle a, engtiang chiahin nge an rawn pho chhuah ang tih chu hriat chakawm tawh tak a ni. 

Tun hnaia bike chhuak tharte ang bawkin a rawn chang tlung viau dawn a, digital meter, self start, LED headlight, fuel indicator, single channel ABS a rawn ni dawn a ni. A man pawh a rawn sang chho ve tawh viau dawn a, Rs. 1.50 lakh atanga Rs. 2 lakh inkar vel ni tura ngaih a ni - India-ah siam a ni dawn bawk.