ZALEN June 12, 2025; Central Bureau of Investigation (CBI)-in hursualna thil kaihhnawiha an man Lalrampana chu a nihna hriatchian a ni tawh.

ID atanga alan dan chuan hursualna kaihhnawia CBI-ten an man Lalrampana chu kum 22 mi, a pa Mangkaithanga Edenthar veng, Aizawla mi-inluaha khawsa nia hriat a ni a, amah hi Taxi khalh thin nia hriat a ni.

CBI website-te, National media thenkhat leh PTI-ten an tartlan danin Lalrampana hi mipat hmeichhiatna lamhawia hmeichhe kum tlinglo thlalak leh video siam a, kawl leh upload thinah puh a ni a. CBI hian May ni 30 khan thubuai an ziaklut a, June ni 4 khan Lalrampana-te chenna In an dap a, electronic device a hmante hi an man a ni. CBI-te hian Victim-te pawh chhui chhuakin an chhanchhuak a, June ni 9 Thawhtanni khan Lalrampana hi an man ta a ni, he thubuai hi chhuizui mek a ni tih CBI website ah tarlan a ni. An thil mante hi INTERPOL's International Child Sexual Exploitation (ICSE) leh Google ho Cyber Tipline Reports (CTRs)-ten an finfiah a ni. 

CBI ten Lalrampana an man chungchangah hian a victim emaw a chhungten complaint an thehlut loa, CBI-ten suo moto-in case an file a ni.

#ZalenNews