Aizawl July 29, 2022 :  India zalenna ni lawmna pakhat atana tih, Har Ghar Tiranga, Hnam Puanzar (National Flag) in tinah August 13-15, 2022 chhunga zar turin sawrkar laipui chuan min tin a beisei a. Hnam Puanzar hi awlsam tak leh tlawm taka kan lei theih nan veng/khua tina Ration semtu (Retailer) hnenah Rs. 20/- a lei theih turin ruahmanna a siam.

India zalenna champha vawi 75-na lo thleng tur puala sawrkar Laipuiin a duan ‘India Zalenna Hlimawm Kutpui’ (Azadi Ka Amrit Mahotsav) lawmna kan hman chhung hian, India ram khua leh mi zawng zawngin mahni hmun theuhah zalenna hlut zia hre reng chungin hlim taka hmang theuh turin ram mipuite duhsakna a hlan a ni.

India zalenna hlutzia leh ropuizia tihlan nan in tinah Hnam Puanzar (National Flag) hi zar theuh tura sawrkar chuan mitin te a ngen.