ZALEN August 14, 2025 : ICFAI University Mizoram Mizo zinga Music lama a thawh hlawk em avangin C. Dinthanga chu an University-a NJ Yasaswy Auditorioum-ah vawiin khan chawimawina hun an hmang. 

C. Dinthanga chuan Mizo te zingah zaithiam ten hriat an hlawh loh em em laiin hla phuah thiam te erawhin hriat an hlawh lutuk loh thu sawiin; a puala hun an buatsaih chu lawmawm a tih thu a sawi. Hnam inpumkhatna chungchangah hman atanga tun hun thlenga hnam inpumkhat a duh thu leh a tlangaupui thu a sawi bakah zirlaite nen inkawm hona hun tha tak an hmang bawk.  

He hunah hian zirlai ni mek leh a chhuak tawh mi hrang hrang ten C Dina hla phuah hrang hrang te an sak bakah zaithiam lar tak tak Vanlalsailova, Lalenkawli Pautu, H. Laldanglovi, Sawmtea Chhangte leh C. Lalzahngoa ten rawn tawiawmin C Dina hla te an sa bawk a ni.

Dr. David Lawmzuala, Registrar in kal khawmte lawmna thu a sawi bakah Prof. Ginlianlal Buhril, Vice Chancellor in C. Dina chawimawi anih chhan a sawi.