Aizawl July 15, 2024 : CMO office thupek angin Directorate of Information & Communication Technology chuan an Director motor MZ-01-M 7012 Mahindra TUV chu July 3, 2024 khan an hlan tih Addl. Private Secretary to Chief Minister, Mizoram hnenah lehkha No. 80/2019/Pt hmangin an hriattir a, mahse, pek let an ni leh tawh.

July 9, 2024-a RTI hmanga Chief Minister office-in Director, Directorate of Information & Communication Technology motor an chhuhsak chungchangah ITC lam chuan a chhan an hriat loh thu in an chhang a, he motor hi CM Office ta an kawlsak a nih leh nih loh an zawhna chu an kawlsak a nih loh thu-in an chhang bawk.

Motor hi lak sak theihna dan CM Office hian an neih leh neih loh an zawhna chu Dan leh hrai lam chu an chhan theih a ni lo tiin an chhang bawk. Mahse, tunah chuan motor hi pek let an ni leh tawh.