Aizawl: October ni 7-11,2019 chhung khan ‘International Workshop on Organic Policies programme’ tih thupui hmangin International Federation of Organic Agriculture Movements (IFOAM) Headquater, Bonn, Germany-ah neih a ni a. He hunah hian Mizoram Agriculture Minister C.Lalrinsanga leh Agiculture Officer te an tel.

Kum tam tak Organic farming-a hma lo la tawh leh khawvel huap pawha hnuhma tam tak lo nei tawh German mithiam leh Scientist te nen Mizoram tan thleng pawha hmasawnna leh hmalak dan tur sawihona hun tha tak neiin, Mizoramin Organic farming-a hma a lak mekna leh hmasawn zelna tur atan ruahmannate an sawi ho a ni.

Mizoram in Organic Farming-a hma a sawn theihna kawng dapa fehchhuak Argiculture Minister leh Department hotute hian Zirtawpni khan Switzerland-a Research Institute of Organic Agriculture (FiBL) dintu Organic khawvel a farm chhuanvawr leh laboratory-te an tlawh.

IFOAM hi Organic Agriculture Movement-a khawvel huap pawl lian tak worldwide umbrella Organization niin khawvel ram hrang hrang 117 atangin member 800 chuang an awm mek a ni. Agriculture Minister C Lalrinsanga hi Lalhming-thanga IAS Commissioner & Secy. Agriculture; Dr Saithantluanga Agriculture Department Director(R&E) te bakah State Coordinator, Mission Organic Mizoram (MOM)- ten an tawiawm a ni.