Football icon Cristiano Ronaldo chuan Instagram-ah follower maktaduai 500 a nei tling ta a, mimala heti zat follower nei thei hmasa ber a ni. Ronaldo hi Lionel Messi chuan a hnaih ber a, Kylie Jenner chu pathumna a ni. 

Cristiano Ronaldo hian Pathianni tlai lam khan follower maktaduai 500 hi a nei tling a, mihring piang tawh zingah hetiang thleng phak hi an la awm ngai lo. Amah hnaih bertu Lionel Messi hian follower maktaduai 375 a nei a, an inthlauhna hi maktaduai 125 zet a ni. American TV personality Kylie Jenner        chuan follower maktaduai 372 a nei a, Lionel Messi nen an inhnaih hle. Hetih lai hian Instagram account chu follower ngah ber niin, maktaduai 568 a nei.

Manchester United player hian Instagram-ah record dang a siam bawk a, Lionel Messi nena an thlalak dunna a post chu like tu ngah lamah pahnihna a ni mek. He thu buatsaih lai hian liker hi maktaduai 35.7 an awm a, a tluk loh awm chhun chu world_record_egg pic kha niin, kha khan 55.9M like a nei a ni. 

Ronaldo hian Messi nena an thlak hi Facebook lamah a post tel bawk a, hei pawh hi mi maktaduai 8 chuang zetin an like tawh a ni.