May 8, 2024; Nimin chhuna In pathum rawktu a puh Lalmuanpuia (22) s/o K. Lallura (L), Chhingchhip Venghlun chu Chhiahtlang North leh South VC te leh mi tlawmngai te tangrualin an man.

Thu lakna in a tarlan danin May ni 7, 2024, Thawhlehni zing Dar 9 vel khan K. Lalrochhara, Kawnveng te In rawk a nih thu Chhiahtlang South VC ten an dawng a, Chhiahtlang South VC te hi mi tlawmngai ṭhenkhat ten puibawmin misual zawn hna chu ngawrh taka beih nghal a ni a. Khaw chhung leh khaw dai vel te ngawrh taka zawn a nih laiin, Lalpianfela, Hmarveng te In rawk a nih thu report a awm leh a. Khawtlang hruaitu te lu a hai viau laiin, veng chung lamah Rohminga In rawk a nih thu an dawng leh a.

 K. Chhandamthanga (Police), Chhiahtlang North leh South VC te bakah mi tlawmngai ten chhui zui zelin, he misual, In pathum ngawt mai rawktu hi a In rawk hnuhnung ber Rohminga te kawmthlang, Kawnveng - Hmarveng PWD Road-ah an man ta tih a tarlang.

A kut atang hian pawisa eng emaw zat leh mobile phone bakah, ganja tam tham tak an man a. A pawisa ruk hmang hian bag, kekawrbul leh mawza te a lo lei hman niin a insawi.

Serchhip Police kutah hlan a nih thu Secretary,

Village Council, Chhiahtlang South thuchhuah chuan a tarlang.