ZALEN Nov 29, 2024 : Vawiin khan PC Lalruathlui, College Veng, Aizawl chu an in chung chhawng thumna atanga chesual palhin tla hlum.

Zalen thudawn danin tukin dar 9:30 vel khan kum 19 mi, Ruathlui hi tla palhin Aizawl Hospital panpui nghal a ni a; mahse, chhan thei ta lovin chhun dar 12:30 khan a thi.

Ruathluii hi a chetsual tirh hian la biak theih a, “Ka kawng a na, min mut ṭhattir rawh u, vànramah ka kai duh tawh,” tih pawh a sawi chhuak nia sawi a ni.

Damdawi inah hian CT scan-a en niin hmun hnihah a kumkuruh a tliak tih hmuh a ni.

Ruathlui chetsual chhan hi chiang taka hriat ni lo mah se a slipper bun a rah sual vang a nih rin a ni.