Zirtawpni zan dar 1:30 vel khan Melriat khuaa Thanliana Khatla in assam type, chhungkaw pahnih Jerry Lalchhanhima leh Lalngaihawma luahlai chu bungraw engmah chuh hman lohin a kangral vek a, in dang kangkai tur erawh mi tlawmngaiten an veng hman. In kan chhan hi hriat a ni lo a, kangmei hi in chung zawk luahtu Jerry Lalchhanhima te in atanga intan niin an sawi a, kangmei chhuah lai hian an awm lo a ni. Nimin khan Melriat khawtlang chuan kangmei in a tihchhiat senghawi hna an thawk.