Aizawl November 3, 2022 : Mizoram University hnuaia building pawimawh tak tak 4 - Administrative and Academic buildings of Aizawl Government College, Mualpui Campus ; Cluster of Academic Blocks of Pachhunga University College ; Tribal Girl Students’ Hostel, Mizoram University leh Rural Tribal Girls’ Hostel, Sairang-a sak Nuai 2,368.64 man leh Crore  25-a sak Indian Institute of Mass Communication (IIMC) : North Eastern Regional Campus at Mizoram University te a rualin a hawng.

President Droupadi Murmu chuan zirlaite mamawh building tha tak - central sawkar sak, Central leh state sawrkar tangkawpa sak te hawn a ni chu lawmawm a tih thu a sawi a. Heng hmasawnna ruhrel te hi Mizoram chhunga zirna atan pawh hmasawnna liantham a tling a ti. IIMC te phei chu India rama Journalism zirna tha berin hnarchhak biala campus a rawn siam belh a ni a. Hei hian India hnarchhak biala Media leh journalism tan hmasawnna a rawn thlen dawn tih a sawi a. Zirna in tha te, zirlai te mamawh building thar te hian zirlai te a ti hmasawnna da wn a ni a ti.

Administrative and Academic buildings of Aizawl Government College, Mualpui Campus hi sakna sum Rs 12 Crore chu Ministry of DONER atangin Non Lapseable Central Pool of Resources (NLCPR) hnuaiah hmuh a ni a kum 2017 khan a sak hna tan niin kum 2021 khan sak zawh a ni.

Pachhunga University College chhunga Cluster of Academic Blocks sakna sum Rs 456.64 lakhs chu Ministry of DoNER, Government of India hnuaia North Eastern Council (NEC) atanga hmuh a ni a. He building hi chhawng 3 niin class room 6 a awm a, zirlai 1080 thut theihna a ni.

Tribal Girl Students’ Hostel, Mizoram University sakna sum Rs.350.00 lakh hi Article 275(1) hnuaia scheme niin Ministry of Tribal Affairs, Government of India atanga dawn a ni a. a sak hna October 1, 2020 khan tan niin October 30, 2022 khan sak zawh a ni.

Rural Tribal Girls’ Hostel, Sairang, Aizawl District sakna sum Rs.350.00 lakh hi Article 275(1) hnuaia scheme niin Ministry of Tribal Affairs, Government of India atanga dawn tho a ni a. A sak hna chu November 2, 2020 khan tan a ni a, October 30, 2022 khan sak zawh a ni.