Reliance Industries chu India rama company hlu ber an ni a, an hlutna hi cheng vaibechhe 1,563,887 zet a ni. TATA Consultancy Services chuan an dawt a, HDFC Bank chu pathumna an ni. 

Top 10-ah hian Inria rama company hun leh lian ber ber an lang a, an hlutna pawh a sang viau hlawm. 

1. Reliance Industries : Mukesh Ambani company Reliance Industries Limited hi kum 1958 khan Maharashtra-ah din a ni a, khawvel huap pawha company lian zingah a tel phak. Hna thawktu pawh mi 3,42,982 (2022) zet an awm a, an len dan tur chu kan chhut thiam mai awm e. 
Reliance Industries hlut zawng hi vaibelchhe 1,563,887 zet a ni a, Mumbai-ah hmunpui an nei - textile, telecommunication, retail, natural resource leh petrochemical sector an thlur bing a ni. 

2. TATA Consultancy Services : An company hlut zawng hi vaibelchhe 1,266,031 zet a ni a, Reliance hnaih bertu an ni. Tata Consultancy Services (TCS) hian Mumbai-ah hmunpui an nei a, information technology (IT) service, business solution leh  consulting firm lamah an chungnung hle. 

3. HDFC Bank : Bank zinga hlu ber leh thleng sang ber an ni a, an hlut zawng hi vaibelchhe 921,311 vela chhut a ni. Indian financial & banking services firm-a lian ber niin, kum 1994 khan din a ni. 
HDFC Bank hi Reserve Bank of India (RBI) in India rama private sector zinga financial service approved a pek hmasak ber a ni. 

4. Infosys : Kum 1981-a din information technology company hlutna hi vaibelchhe 660,879 a ni a, IT service-ah chuan a lian berte zinga mi a an ni. 

5. Hindustan Unilever : Fast-moving consumer goods (FMCG) segment huangah chuan Hindustan Unilever hi a 'ber' tih ngam an ni a, an company hlutna pawh vaibelchhe 620,996 zet a tling. An company tarlan dan chuan India rama in 10 zela in 9 zet chuan nitin an product hi an hmang ziah angin an chhut a ni. 

6. ICICI Bank : Parukna dinhmun luahtu chu ICICI Bank an ni a, an hlutna hi vaibelchhe 595,707 zet a ni. India ram hmun kil khawr tak thlengin an inzar pharh a, mipui tan an thawh hlawk hle. 

7. HDFC : Mizoramah ngei pawh a hming chu kan hre lar viau awm e. HDFC hlut zawng hi vbch 489,783 a ni a, banking, general insurance, asset management, realty, education, deposit, venture capital leh thil dang eng emaw zat an khawih a ni. 

8. SBI : State Bank of India (SBI) hian India ram chhung hmun hrang hrangah branch 22,219 zet an nei a, thawktu pawh an ngah hle. Ram pawn thlengin an inzar pharh a, ram 31-ah branch 229 mlai an nei tel bawk a ni. SBI hlut zawng hi vbch 486,703 vel anga chhut niin, Mumbai, Maharashtra-ah headquarters an nei a ni. 

8. ITC : Kolkata-a hmunpui nei an ni ve thung a, FMCG, hotel, software, packaging, paperboard leh thil dang an khawih - an company hlut zawng hi vbch 475,829 lai a ni. 

10. Bharti Airtel : Top 10 khartu chu Bharti Airtel an ni a, company hlut zawng hi vbch 447,656 zet a tling. An headquarters hi New Delhi-ah a awm a, mobile service provider lian zual pathum zingah an tel phak. 

India rama company hlu zual top 10 : 
1. Reliance Industries
2. TATA Consultancy Services
3. HDFC Bank
4. Infosys
6. ICICI Bank
7. HDFC
8. SBI
8. ITC
10. Bharti Airtel