ZALEN May 1, 2025 : Commerce & Industies Minister F. Rodingliana leh Minister Land Revenue & Settlement Department B. Lalchhanzova, changtu ten Industry ram a nihna tur anga hmanglo tute leh dan lova Commerce & Industries ram luah tute chunga action an la tur chu ZPM Thalai HQRS chuan lawmawm an ti.

ZPM Thalai chuan Commerce & Industries ram - Industrial Growth Centre (IGC), Luangmual ; Export Promotion Industrial Park (EPIP), Lengte leh Industrial Estate, Zuangtui ah te dan lova ram luah, allotment pek anga hmang lo leh Dept. ram nek rana dan lova ram luah lui tu tam tak an awm a ni tih hmuh chhuah a ni tawh a, Mizo Thalai tam tak Industry lama hmasawn tumte tan kawng a ti ping hle a ni an ti.

April 30, 2025-a Commerce & Industries Department Minister pisa a Commerce & Industries Department changtu Minister F Rodingliana leh Land Revenue & Settlement Department changtu Minister B Lalchhanzova te kaihhruaina hnuaia Committee thuchhuak anga heng dan lova ram luah tute laka Show Cause Notice leh The Mizoram (Land Revenue) Act 2013, Section 101-na hmanga Action lak a ni tur chu ZPM Thalai chuan lawmawm an ti a, Sustainable Development & Reform Policy (SD&RP) a “Industrial Development” ti hlawhtling tura an hmalakna hi ZPM Thalai chuan an chhuang hle an ti.