ZALEN September 10, 2023 : April, 2022 atanga March, 2023 inkar khan Mizoramah innei inziak lut mi 3,238 an awm.

Registrar of Marriages chhinchhiah danin nikuma innei zinga 2,608 hi Kristian dana innei an ni a, innei thar atanga chhutin 80.54% a tling a. A dangte hi Buddhist sakhaw dana innei 615 leh Hindu dana innei nupa 15 an ni a, sakhaw dang dana innei an awm lo a ni.

Innei thar chhinchhiahna hi kum 2008 atang khan kalpui tan niin April, 2008 atanga March, 2023 thleng khan innei mi 38,434 chhinchhiah an ni tawh a. Heng zingah hian Kristian dana innei tam berin 35,219 an awm a, Buddhist-in dawtin 3039 an awm a, Hindu dana innei 172, Muslim pakhat leh sakhaw dang pathum an awm bawk a ni.