ZALEN February 11, 2025 : Excise and Narcotics Department chuan vawiin khan Inthlanna muanawm leh felfai neih theihna turin Aizawl chhehvela dan phal lohva zu siamna hmun dap chhuakin beihpui an thlak.

February 12, 2025-a Mizoram chhunga Local/Village Council inthlanna lo awm turah Inthlanna muanawm leh felfai neih a nih theihna turin Excise & Narcotics Department chuan February 11, 2025 (Thawhlehni) nileng khan Aizawl chhehvel (Phunchawng leh Rangvamual) rama dan lova zu siamna hmun dapchhuakin beihpui an thlak tih thuchhuah an siamah an tarlang.

Zu siamna hmun leh a kaihhnawih tihchhiat leh man te chu:

1. Zu siamna hmun tihchhiat zat - 48 nos.

2. Zu bilh lai - 4,820 tins

3. Rakzu - 140 liters

4. Zu siamna bel - 70 Nos.

5. Zu siamna Dawidim - 2 Kgs

Local/Village Council inthlanniah hian Zu leh ruihhlo engang chi pawh chelek lo turin Excise & Narcotics Department chuan mipuite a ngen a ni.