Aizawl October 4, 2022: Indian Oil Corporation Limited (IOCL) chuan October 1 atang khan revised Retail Selling Price a ti chhuak a, he rate tharah hian Mizoram-ah chuan LPG 14.2 KG (Domestic) rate chu Vairengte-ah Rs. 1196.00 niin Mizoram hmun dangah chuan Rs. 1205.00 a ni tawh ang. LPG 19 KG (Commercial) rate chu Vairengte-ah Rs. 2260.50 a ni ang a, Mizoram hmun dangah chuan Rs. 2278.00 a ni ang.

Domestic rate tarlan te hi 'home delivery' a hralh a nih chuan Rs.70.00 belh zel tur a ni a, Godown-a hralh erawh chuan Rs.29.26 zel paih thung tur a ni. Delivery Point ruatah te semchhuah a nih chuan a chunga rate tarlan bakah Rs.7.53 belh tur a ni.

He Office Order No.I.21011 /l(A)/2008/DTE(SPY) dt. 25.11.2014 hmanga LPG Distributor tin te chawm tur khua leh an hlat zawng tarlan te, Order No.I.21011/l(C)/2010/DTE(SPY) Vol. II dt. 21.1.2015 hmanga KM zat leh pawisa chawi belh ngai zat tarlan te hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.