Itzy (Korean: 있지; RR: Itji; MR: Itchi) hi South Korean girl group niin JYP Entertainment  ten an din a ni a, members pangnga - Yeji, Lia, Ryujin, Chaeryeong, leh Yuna. February 12, 2019 khan an single album  It'z Different khan an debut.  An group la naupang ngaihtuahin chawimawina erawh an dawng nghal mawlh mawl a, Rookie of the Year chu 34th Golden Disc Awards-ah khan an dawng a, New Artist of the Year chu 9th Gaon Chart Music Awards leh 2019 Melon Music Awards-ah an dawng leh a, Best New Female Artist chu 2019 Mnet Asian Music Awards-ah khan an dawng leh bawk. New Artist Award chu 29th Seoul Music Awards-ah dawngin K-pop girl group zingah "Rookie Grand Slam"dawng thei dang hi an la awm lo a ni. 

Fantiago ten audition an neih a paltlang zawh lo hnuah Chaeryeong chuan JYP Entertainment (JYP) te hian K-Pop Star 3 television series-ah a unaunu nen an lo hmufuh. Chaeryeong hi 2015 khan JYP survival show Sixteen-ah a inlan leh a, mahse, hemi puala girld group an din tak Twice-ah erawh a tel leh pha lo.

Itzy member zinga JYP zawm hmasaber chu Chaeryeong tho hi a ni a, an hnenah hian kum 5 zet training a nei a ni. Ryujin hi Got & concert atanga an chharchhuah niin JYP-ah hian kum li training a nei a, Itzy debut neih theih nan hian an ni pahnih hian an thawkrim hle. Yuna leh Yehi te hian JYP hi 2015 khan an zawm a chutih rual chuan kum thum chiah an trained a ni. Yuna hi company staff te an hmuhchhuah niin Yeji erawh hi chu audition hlawhtling tak a neih atanga lakluh a ni thung. An member lakluh hnuhnun ber Lia hi SM Entertainment audition patlang tawh a nih hnuah a chhungte nen inremna an neih avanga an hnawl leh a ni a. Hemi hnu hian JYP audition chu paltlang lehin kum hnih training a nei a ni.

2017 khan Yuna leh Ryujin te hi BTS hla 'Love Yourself' highlight-ah an inlan a, hemi kum vek hian Lia tih loh member dang te chu Mnet reality show Stray Kids-ah a hnua Stray Kids boy group ni ta te nen he project-ah an thawkho nghe nghe a ni. 

January 21, 2019 khan JYP chuan 2015-a Twice an din hnua an girl group leh hmasakber tur an phochhuah thu an puang a, hemi te pangnga lana video trailer chu an tichhuak bawk. February 12-ah an single album It's Different chu an tichhuak a, an single 'Dalla Dalla' chu a hit nghal hle. Billboard lamah pawh hemi kuma K-pop band hlawhtling ber zingami niin No. 3 an hauh a, World Digital Song Sales chart-ah Dalla Dalla hi No. 2 an nihpui a, ni hnih chhung lekin United States-ah ringawt dowload 2,000 an nei hman niin Nielsen Music chuan a tarlang.