ZALEN October 26, 2024 : LPS Youth Icon top 5 zingami, mipui lawm hlawh tak J. Lalrosanga, Tuidam chuan vawiin khan NEXA Showroom, Thuampui-ah Maruti Suzuki car thar Maruti Suzuki Invicto chu a tlangzarh. Zaithiam zinga Mizoram-a Maruti Suzuki thil siam tlangzarhtu hmasaber a ni.

NEXA CEO John Lalpeka chuan Maruti Suzuki Arena, NEXA leh Commercial vehicles model hrang hrang te an lo tlangzarh tawh thin tih a sawi a, heng an lirthei te hi zaithiam an la tlangzarh tir ngai loh thu a sawi a, J. Lalrosanga (RS-a) chu zaithiam zinga an lirthei tlangzarhtu hmasaber a nih thu leh tun dinhmunah amah aia an lirthei tlangzarh phu an awm chuan loh thu a sawi.

Maruti Suzuki Invicto mi Maruti Suzuki India Limited in lirthei an siam zinga manto ber a ni a, India ram hmun thenkhatah chuan tlangzarh a nih tawh thu NEXA CEO chuan a sawi a, Mizorama tuna an car thar tlangzarh tur hian RS-a hman hun hi an nghak a, vawiina tlangzarh a ni ta chu lawmawm a tih thu a sawi.

Invicto tlangzarhtu J. Lalrosanga chuan he car tlangzarhtu atana an hmang chu lawmthu a sawi a, a beisei bak chawimawina a nih thu sawiin Maruti Suzuki chu hmasawn zel turin duhsakna sang tak a hlan ve bawk a ni.