September 20, 2023; Jail leh police kut atanga a tlan chhuaSepth hnu a mi in rawktu, Vanrampana (24) s/o K. Sanga, Meisatla -I, Siaha chu Vaivakawn PS ah thubuai pahnih siam sak a ni.

September 20, 2023; Siaha district jail atanga tlan chhuak police in an man tak Vanrampana (24) s/o K. Sanga, Meisatla -I, Siaha chu police in thubuai pahnih an siam sak a, nimin khan court ah hruai a ni.

Police thuchhuah tarlan danin, September ni 9, 2023 a Siaha district jail atanga tlan chhuak Vanrampana (Sanjoya) hi Central jail ah a thianpa jail tang tlawh a tum lai chu Jail thuneituten ringhlelhin an man a, Zonuam police outpost ah lak niin, Siaha police hnen a hlan turin ruahman a ni.

Medical exam turin Civil Hospital, Aizawl ah hruai niin, medical tih fel a nih hnuah Zonuam outpost ah hruai let leh a ni a, motor atanga a chhuk chu tal chhuakin a tlanbo zui ta a ni.

Amah zawn hna hi ngawrh taka beih zui a ni a, 18.9.2023 chawhma dar 11 khan Rangvamualah man a ni ta a ni. Police kut atanga tlan chhuak a nih vangin Vaivakawn PS ah thubuai siam sak a nih bakah, mi in a rawk avangin thubuai dang Vaivakawn PS ah vek siam a ni a, nimin khan court ah hruai nghal a ni.

Mizoram police chuan tang tlan chhuak manna kawnga theihtawpa beitu police personnel te leh mipuite thawhpuina ah lawmthu a sawi.