July 25, 2023; Champhai District Jail atanga tlanchhuak Tunsianmunga (41) Hnahlan chu nimin tlai khan man leh nghal a ni.

Dam chhung lungin tang tura Court-in a hrem Tunsianmunga chu nimin khan Champhai District Jail atangin atlan chhuak a; Jail tang tlanchhuak an awm chungchangah hian Champhai District Jail thuneitute chuan Champhai Police station-ah FIR an thehlut a, zawn zui nghal niim nimin tlai dar 6:15 khan Champhai Dinthar veng a achhungte ina a biru chu Champhai Police-in an man a ni.

Tunsianmunga hi a unuapa, a vuakhlum avangin July ni 20 khan Addl District & Session Court Champhai chuan dam chhung lung in tang tur leh Rs. 5,000 chawi turin a hrem a; tualthah thubuai tum hnih a neihna leh thu buai dang nei tawh a nih avangin Court chuan mipui vantlang zinga awm tlak lo ni-a a ngaih avangin dam chhung lung in tang turin a chung thu a relsak a ni.