Aizawl: Tunlai thenawm state a leng khawsik natna chi khat Japanese encephalitis chu Mizoram ah hmuh a la ni lo.

Zalen palaiin Health department thawktu te hnen atanga thu a dawn danin Japanese encephalitis vei rinhlelh chu an awm na in engmah finfiahna a awm lo niin an sawi a. Heti chung hian sawrkar damdawiin bakah private damdawiin te nen inbepawp in hma an la ho reng tih an sawi. Health department thawktute chuan boruak an thlithlai reng nia sawiin JE pudarhtu vawk lakluh sawrkarin a khap avangin a natna chu a darh nep nia an hriat thu an sawi bawk. A ruka vawk lakluh pawh a zia nia sawi a ni.