February 6, 2024; Jeje Lalpekhlua, MLA South Tuipui chuan vawiin khan a bial chhung khua, Tarpho, Khawhri, South Chawngtui leh Cherhlun te tlawhin, bial mipui ten amah an dawr theihna turin hun a hawng.

Heng hunah hian mipui, khawtlang hruaitu, NGO hruaitu leh party hruaituten mamawh an neih te ngaihthlak sakin a hnenah a thlen bakah school leh sawrkar building dang chhia repair ngai te a hmunah a tlawh nghal a ni.

Heng hunah te hian thu sawiin Bialtu MLA Jeje Lalpekhlua chuan, "ZPM member-te tan chauh a MLA ka ni lova, South Tuipui mipui zawng zawng te tana MLA ka ni tih min hriat sak theuh ka duh," tiin, "Kan Chief Minister a tan em avangin kawng hrang hrangah hmasawnna hmuh tur a awm mek zel a. Sawrkar kumthar ah kan bial pawhin hmasawnna hrang hrang kan hmu chho zel dawn tih hria in kan theihna zawn ah theuh theihtawp chhuah zel turin ka sawm nghal vek che u a ni," a ti bawk.