Aizawl: Tleirawl te chungchang ngaihtuah tura din Juvenile Justice Board (JJB) chuan nikum April atanga kumin March thla inkar chhung khan an hnena thubuai lut 195 an chingfel.

JJB hian kum hmasa lama pending awm 50 te nen chhiar telin case 236 an buaipui a, heng zinga 195 hi chingfelin a bak 91 hi kumthar lama ngaihtuah turin a dah a ni. JJB case neih zingah hian rukruk case a tam lawr lak a, POCSO, zu kaihhnawih leh damdawi hmansual te chu a langsar zual an ni.

Juvenile Justice Board in case an ngaihtuah 236 zingah hian mipa tam zawkin 216 an awm a, hmeichhia 20 an awm bawk. District hrang hrang JJB ten case an neih dan chu hetiang hi a ni. Mamit 28, Kolasib 24, Aizawl 64, Champhai 36, Serchhip 35, Lunglei 23, Lawngtlai 15 leh Siaha 11 te an ni.