Aizawl : Mamit Joint VC huaihawtin nimin khan thingtiak phun hnatlang neih a ni a, Mamit dai NH 44A kawng kamah thing tiakte hi phun a ni a, Bialtu MLA Er. H. Lalzirliana chuan hna-tlang hi telpui a ni.

H. Rodingluaia Chairman, Joint VC chuan khawtlang hruaitu leh mipui ten thingphun ngaipawimawh a, thingpun tura hnatlang chhuak zawng zawngte chungah leh Bialtu MLA in a tawiawm theih avangin lawmthu a sawi a.

Thing ṭiak phun hnatlanga tel puitu Mamit bialtu MLA Er. H. Lalzirliana chuan, Joint VC Mamit-te'n khawpui luhkâ cheina tura thing phun an ngai pawimawh chu lawmawm a tih thu a sawi a. "Thangthar lo la awm zel turte tan boruak thianghlim siamtu, kan tuihna siama, nungchate tan ei tur tipung zel turin thing phun hi kan mawhphurna a ni," a ti a.