Bajaj-Triumph 400cc bike chu July 5 hian India-ah tlangzarh a ni dawn ta. UK motorcycle siam chhuaktu lian Triumph leh India company Bajaj tangkawp hian an bike thar hi June 27 hian khawvel huapin an tlangzarh dawn a, India-ah pawh tlangzarh a ni thuai dawn. 

Bajaj-Triumph 400cc bike te hi Royal Enfield te nen intluk tawk viau tura ngaih a ni a, market lamah pawh an inelna viau mai thei. Bajaj-Triumph hi 350cc J-platform engine Royal Enfield te aiin a engine a changkang zawk a, kawng hrang hrangah belhchian a dawl zawk dawn nia tarlan a ni. Bajaj leh Triumph te elpui tur ber chu Royal Enfield hi a ni tho tho a, India market-ah chuan Royal Enfield hi hralh a kal zawkin a rinawm. 

Bajaj Auto CEO Rajiv Bajaj chuan Bajaj-Triumph 400cc tlangzarh hun tur hi a puang chiang tawh a, Rs. 3 lakhs man vel a nih a rinawm. Triumph hi India ramah an inzar phar zel a, tunah hian khawpui 15-ah an inbun tawh. Tun atanga kum hnih chhungin khawpui 120-ah tal inzar pharh hman an tum a ni.