August 11, 2022; July ni 9, 2022, Inrinni chhun dar 12:30-1:30 inkar vel a Central Jail atanga tlanchhuak mi pahnih (2) te chu vawiin thlengin man an la ni lo a, a theih ang angin zawn hna kalpui mek a ni.

ZALEN thudawn danin, Jail tang tlanchhuakte reng reng chu kum 10 chhung zawn tur an ni a, an inlar duh deuh hun tur nghah ve deuh a ngai thin a, a tepter deuh ah chuan an biru tha ve thin bawk. A tlangpuiin kum chanve hmain an inlar tha vak ngam lo thin nia ngaih a ni. July ni 9 a Central Jail atanga tlanchhuak mi 2 te pawh an tlanchhuah atanga tun thlengin zawn hna kalpui chhunzawm zel a ni a, an khua ve ve lamah pawh an chinchang ngaihven reng an ni.

Tarlan tawh thin angin, Central Jail atanga tlanchhuakte hi Isak Lalremruata (28) s/o Lawmzuala, Kananthar, Mamit district leh Zohmangaiha (19) s/o C Vanlalhruaia, Lunglei Ramthar Vengte an ni a, an pahnih hian hmeichhe kumtling lo khawih/pawngual vanga tang an ni.

An tlanchhuah lai hian Isak Lalremruata hian a ban veilamah leh a pumah ser a nei a, Zohmangaiha hian a van veilamah tattoo leh a hmui hnuaiah khuavang a nei.