July 20, 2022; July ni 9, 2022, Inrinni chhun a Central jail, Aizawl atanga tlan chhuak, Isak Lalremruata (28) s/o Lawmzuala, Kananthar, Mamit district leh Zohmangaiha (19) s/o C. Vanlalhruaia, Lunglei Ramthar vengte chu man an la ni lo a, zawn chhunzawm zel an ni.

Tang tlanchhuakte hi hmeichhe kumtling lo khawih/pawngsual vanga tang an ni a,
an tlan chhuah lai hian Isak Lalremruata hian a ban veilamah leh a pumah ser a nei a, Zohmangaiha hian a ban veilamah tattoo leh a hmui hnuaiah khuavang a nei. Anmahni hmu leh an awmna chin hriate chu Special Superintendent mobile phone no. 7085929432 leh Jailer mobile phone no. 9862306783 ah te hriattir tura ngen an ni.

Tang tlanchhuak an awm tih hriat a nih veleh, Aizawl khawpui chhung a sumo counter hrang hrangte chu hriattirna pek nghal an nih bakah, endik nghal vek a ni a, Mizoram khaw hrang hrang a police station te pawh hriattirna pek chhuah nghal vek an ni bawk.

He thil thleng chungchangah hian prison department hotute chuan chuan police ah thubuai an thehlut a, Aizawl DC, SP leh Court lam te pawh thil thlen dan hrilhriat an ni bawk.

Thudawnna Central jail thawktute chuan tang tlanchhuakte chu an bikbo rei theih an rin tawh loh thu an sawi a, zawn mek zel an nih bawk avangin man thuai an inbeisei tih an sawi.