Argentina leh PSG star player thin Angel di Maria chuan free transfer-in Juventus a zawm a, an contract ziah hi season khat atan a ni a, kum khat lek an ziahpui chhan hi Di Maria zawk hian a hun tawp lam chu an ram Argentina lama hman a duh vang niin an sawi. 

Kum 34 mi Di Maria hian Paris Saint-Germain tan season sarih chhung zet a khel tawh a, a cham chhungin game 295 khelah goal 92 a thun. A contract neih lai chu June thla khan a hmang zo ve chiah a, Juventus tan lei chhuah kher a ngaih loh phah a ni. 

Winger ball thiam Di Maria kum 12 kalta khan Man United-in Real Madrid atangin pound maktaduai 59.7 zetin an lei chhuak a, Premier League club player lei to ber record a siam nghe nghe. United atang hian kum khat hnuah PSG a pan lehnghal.