Aizawl May 10, 2024 : Vawiin khan BJP Mizoram State Office, Mipui Run, Upper Republic ah Friday Political Session neih niin, K. Hrahmo, MLA & State Core Group Member chuan thu a sawi a, MLA leh MDC chelh kawp tha a tih loh avangin MDC a nihna a kalsan thu a sawi.

K. Hrahmo, MLA & BJP State Core Group Member chuan , "MLA leh MDC hi a nih kawp theiha, nimahsela tunah hian MDC ka nihna erawh chu dah that tula ka hriat bakah MLA leh MDC-a ka hlawh te chu pakhat zawk zawka hlawh lak a thaa ka hriat avangin, MLA hlawh chauh hi ka la a, tunah hian MDC ka nihna pawh banna ka thehlut tawh a, MDC By Election ka bial chhungah ngei kan nei leh dawn a, BJP MDC tha tak kan neih belh leh ngei dawn a ni," a ti.

K Hrahmo chuan sawi chhunzawmin, "NE State ah BJP/NDA Sorkar kan hmu a, Central sawrkar hian nasa takin an thu leh hla te an ngaithlain, an State hmasawnna pawh nasa takin an dawng mawlh mawlh a ni. Mizoram ah erawh BJP kan hriatchian loh avangin kan hnawl a, nimahsela dawt hmanga BJP min beihna te hi Mizoram mipui te'n thudik kan hre zel dawn a, Politics-a kan beisei ber Development hi Mizoram mipui te'n hmuh kan duh tawh avangin, Mizoram mipui beisei Development hi sawrkar tawh te'n min pek theih loh avangin, BJP Development Party hi Mizoram mipui te'n kan sawrkar tir ngei ngei tawh dawn a ni," a ti bawk.

Inkhawm ah hian K Vanlalruati, State Executive Member-in Inthlan dawna Thudik lo hmanga BJP beitute laka FIR thehluh chungchang report pein, BJP State Media team ten a FIR an thehluh Mipa 3 te'n ngaihdam an dil thu leh an thu Post te a dikloh zia leh ngaihdam dilna an post thu Report a pe bawk.