Aizawl : Food, Civil Supplies & Consumer Affairs Department Minister K. Lalrinliana, Kolasib Assembly Constituency bialtu MLA ni bawk chuan nimin zing khan Covid-19 hri leng darh tur ven nana inkharkhipna kalpui mek avangin a bial chhung a chhuanchham leh mamawh zual te hnena sem tur buhfai bag 400 a chah thleng.

Buhfai a chah thlen hi quital 200 niin Kolasib DC Dr. H Lalthlangliana leh DC Office, Kolasib a hotu thenkhat ten an lo dawngsawng a, Kolasib chhunga chhuanchham te leh a mamawh zual te tan a thlawna sem tur a ruahman a ni. Buhfai chah thlen te hi AMFU building, Project veng, Kolasib-ah dahluh a ni