DOWNLOAD OUR APP

Read latest news on your phone
app-store
Kaladan kawng 84% zo, 2020 ah zawh tum
Dec 01, 2019

Aizawl: Lawngtlai atanga Myanmar ram pawhtur a chhimthlang hawi a kawngpui sial mek, Kaladan Multi Modal Transit Transport Project chu March, 2020 khian zawhfel hman tum a ni a. Kawng siam hna hi kum 2010 atanga thawh tan a niin tun dinhmunah 84% thawh zawh tawh a ni.

KMTTP ah hian lei 8 dawh tur a ruahman a niin lei 6 dawh hna thawh mek a ni a, km 87 a thui he kawngpui a lei 6 dawh mek zingah, Lunghauka lei dawh hna chu 95% zawh tawh a ni a, Khawrawp, Hmawngbu leh Bawklawk lei te chu 90% zawh tawh a ni a, Ngengpui chu 54% zawh tawh niin, Zochate lei chu 45% zawh tawh a ni. Lei dang pahnih dawh tura ruahman, tuna hna la tan loh, Zocha lei chu Bridge Design, IIT, Guwahati in ala pawm fel loh avangin hna hi thawh mai theih ala ni lova, lei dang, Ruankhum Bridge chu a dawhna tur hmun sawn hret a ngaih avangin, lei innghahna tur leilung enfiah mek a ni.

Hetihlai hian Zochachhuah a in 24 leh Lawngtlai bula he kawng in BRTF kawng a pawhna lai tura ram neitu te chu zangnadawmna pekchhuah an nih theih nan a hmawrbawk fel a ni tep tawh a, zangnadawmna an hmuh ve leh kawng hi a nih dan tur angin laihtan a ni dawn a ni.

KMMTTP hi sawrkar laipui Ministry of Road Transport and Highways (MoRTH) hnuaia SARDP(NE) (A) Scheme hnuaia kalpui niin kawngpui sial hna hi 2010 kum khan tan a ni a. Original DPR ah chuan Rs. 575.69 crore ruahman niin 2014 a zo hman tura bituk a ni a. Amaherawhchu he original DPR a tel lo thil thenkhat MoRTH Rest House, Bungtlang IB, leimin thenfai, line/pucca road side drain, RCC Retaining wall te belh leh thlak a nih avangin estimate hi ennawn (revised) a ni a. Revised Estimate chu Rs. 1011.52 crore a nih laiin agreement amount chu Rs. 737.57 crores a ni.

Kaladan Multi Modal Transit Transport Project (KMMTTP) hnuaia Mizoram chhunga kawngpui kal tur hi km 87.18 thui niin, Package 3-ah then a ni a. Package-I hi km 0-34.59 niin, RDS Project Ltd Company-in an thawk a. Package-II hi km 34.59-60.37 niin, Atlanta-ARSS (JV) Orissa te’n an thawk thung a. Package-III km 60.37-87.18 hi RDS Project Ltd bawkin an thawk a ni.

KMMTTP kawng hi National Highway Double Lane standard a laih niin a kawngchhuat zau zawng hi 12.00m = 40 feet tur a nih laiin zauh belh (extra widening) nen phei chuan 13.50m = 45 feet deuh veka laih a ni. Tin, pavement zauh zawng hi 7.00m=23 feet tur a nih laiin 7.50 m = 25 feet deuh veka black top a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh