ZALEN October 29, 2024: Sinlung Hills Council General Election Campaign kal zelah vawiin khan Sport Minister Lalnghinglova Hmar chuan, "Kan ram damna turin damdawi khâ kan ei ve phawt a ngai a ni," a ti.

Lalnghinglova Hmar chuan,"ZPM chuan hun rei tak sawrkar kalphung diklo te siam that tumin theih tawp kan chhuah mek a, mipuite pawh chhel taka kan awm angaia, damloten damna turin damdawi khâ kan pe thin ang hian, kan ram damna tur pawhin damdawi khâ kan ei ve phawt a ngai a ni. Chutianga kan ram siamtha tura ZPM Sawrkar tha tichak tur mi 12 leh Hmartlangdung mipuiten leirem kan rah ve theihna turin, ZPM Party leh HPC tangdunten candidate kan rawn chhawp chhuahte hi min lo thlantlinsak ngei turin ka ngen che u," a ti.

Tetea chuan, "Sawrkar hi a in thlak fo thin a, sawrkarna kan chelh tirh atanga vawiinni thleng hian ZPM Sawrkarna fawng chelhtute zingah Corruption a hmingchhia kan la awm lo hi Pathian hruaina a ni a, thil lawmawm tak niin ka hria. Tin aikal lak kan tihtawp chungchangah pawh thenkhat tan chuan kan thiltha tih hi phurrit a tling ngei ang tih kan ring a, mahse sorkar danah aikal laktheihna dan a awm lova, dan lo anga hun rei tak kan lo kaltawh avangin ngaiah kan lo neitawha, chu chuan ram hmasawnna kawng tam takin a dal thin a ni," a ti.