Aizawl: Mizoram Pradesh Congress Committee President Lalsawta chuan, "Kan ram siam turin mipuiin min nghak thup a, a sawi ni lo a taka dik taka ti tih a hun tawh a ni," a ti.

Nimin khan Aizawl West III Congress Special Block Conference chu MPSOA Conference Hall, CID Complex, Bungkawn, Aizawl-ah hman a ni a, he hun hmanpuitu MPCC President Lalsawta chuan, "Loneitu, kuthnathawktute leh thalai tam tak tan eizawnna ngelnghet siam sak kan tum a, chutiang tur chuan kan tih thin dan thlaka tih danglam a ngai. Thar chhuah tam a ngai a, thar chhuah te hralhchhuah chakawm tak tura a that a ngai bawk. Thar chhuah tamin a tlawm a, a ei pha kan tam a, a siam  danglam leh thawnchhuah pawh nasa takin a awlsam phah a ni," a ti. 

Dan rorelna (Rule of Law) ngaih pawimawh a ngaih thu sawiin Lalsawta chuan, "Mizoram mipuite chu Court rorelna hnuaia thutluknaah an ngaih a tha ta chiah lo niin a lang. Thil dik lo ti theuh theuh, MLA tih sual leh veng kil tawpah hmeithai fa tih sual thutlukna chu a danglam mek a ni. Kan ram hi misual tlemte tangrualin mi tha, tangrual ve lote an hnehna ram a ni tur a ni lo. Sawrkar thaah mipuiin misual ep tura tanrual a ngai ngai lo," a ti bawk.

Aizawl West III Block Special Conference hian Resolution pathum an pass a ni.