Aizawl: Aizawl district level committee on fire prevention huaihawtin March ni 5,2020 zan dar 7 hian Muthi community hall-ah kangmei hlauhawmzia inzirtirna neih a ni dawn.

Tunhnaia Aizawl district level committee on fire prevention thukhawm chuan Aizawl district ah chuan Durtlang, Muthi leh Reiek te chu kangmei chhuah awlsamna leh thlen theihna hmun awlsam a ni tih sawichhuah a ni a, heng hmunah te hian kangmei vengtu tur (fire watcher) dah a ni tih sawilan a ni bawk.

District Level Fire Prevention Committee Chairman Vanlalngaihsaka chuan, "District dang ngaihtuahin Aizawl District ah lo neia eizawng an tlem a, ram kang bakah thal chhova in kang a tam thin hi kan vei a tul reng a, kangmei ti chhuak lo turin mipuite kan inzirtir a ngai reng a, hemi kawnga hian nasa leh zawka awareness kan neih a tul a ni," ti. Committee chuan mipuite kangmei ti chhuak lo tura kawng engkimah fimkhur turin a chah a ni.

State level sub-committee on fire prevention chuan thingtlang lo nei zawng zawng te chu March ni 15,2020 hmaa lo hal vek turin a hriattir a. Lengpui leh a chhehvel khua te chu thlawhna thlawk a tihbuai loh nan chawhnu dar 3 hnu lama hal turin a hriattir a ni.