ZALEN, Mar. 27, 2025: Nilaini zan zanlai (Ningani zing)-a Lawngtlai district-a Diltlang ‘S’ khuaa kangmei chhuaka chenna in kangte hnenah Nilaini khan sorkarin chhawmdawlna a pe.

Deputy Commissioner, Lawngtlai thupekin Collin Hlychho, BDO, Lawngtlai leh Zonal Officer on Dissaster Management-in a tlawh a. DC Office chuan CYLA kaltlangin silpaulin 10 hlan a, BDO Office, Bungtlang ‘S’-in silpaulin paruk an hlan bawk.

Lawngtlai DC chuan kangmei tuartute hnenah hian tanpuina pek a nih tur thu an tar lang bawk.

Kangmei chhuakah hian chenna in pakua, chhungkaw 17 luah chu a kang chhe vek a, thi erawh an awm lo.