11.4.2022; Mizoramah kum 2019 atanga kumin 2022, March thleng khan kangmei vanga nunna chan mi 9 an awm a, chung zinga mi 4 te chu kumin thla 3 chhunga kangmei vanga nunna chan an ni. Hemi hun chhung hian kangmei vanga bungraw kang chhia Rs. 39,16,77,425 hu a awm.

Fire & Emergency Department chhinchhiah danin, kum 2019 khan In kang 46 awmin, ram kang 82 a awm a, nunna chan leh inhliam an awm lo. Hemi kum a bungraw kang chhia hlutna chu Rs. 3,43,88,930 hu a tling.

Kum 2020 ah In kang 37 awmin, ram kang 131 a awm a, nunna chan 1 leh inhliam 2 awmin, Rs. 5,22,79,768 hu bungraw kang chhia a awm.

Kum 2021 ah In kang 67 awmin, ram kang 199 a awm a, nunna chan mi 4 leh inhliam mi 3 awmin, Rs. 23,85,62,507 hu bungraw kang chhia a awm.

Kumin 2022 ah March thlengin In kang 28 awm tawhin, ram kang 24 a awm tawh a, nunna chan mi 4 awm tawhin, inhliam an awm lo a, bungraw kang chhia hlutna chu Rs. 6,64,46,220 hu a awm.

Kumin chhung bikah 13.3.2022 khan Rungdil, Suangpuilawn ramah Lianchhunga thlam a kang a, mi 3 an thi. Hemi bakah hian 20.3.2022 a Nazami In, Bawngkawn a kangmei chhuak ah mi 1 a boral bawk.