Aizawl: Kum 2012 atanga kumin October thleng khan Mizoram ah kangmei vangin Rs. 53,90,42,659 hu bungraw kang chhia (value of property damage) a awm a. Hemi hun chhung vek hian kangmei vanga nunna chan mi 31 an awm. Kumin chhungin Rs 2,84,51,268 hu bungraw kang chhia awm tawhin, Bawngkawn fire station huam chhung chu bungraw kang chhia tamna ber a ni.

Fire & Emergency Services (F&ES) chhin chhiah danin, kumin January atanga October thleng khan Mizoramah chenna in kang (House fire) 29 leh ram kang (forest fire) 128 awmin, kangmei vanga thi 1 a awm a, kangmei vanga inhliam mi 7 an awm.

Kumin January-ah Rs 65,32,240 hu bungraw kang chhia a awm a, February-ah Rs. 90,80,000 hu awmin, March-ah Rs. 86,37,328 hu, April-ah Rs. 21,15,500 hu a awm a, May-ah Rs. 1,00,000 hu awmin, June-ah Rs. 70,000 hu, July-ah Rs. 22,000 hu a awm a, August Rs. 9,24,500 hu, September-ah Rs 5,02,200 hu leh October-ah Rs. 4,67,500 hu bungraw kang chhia a awm bawk niin chhinchhiah a ni.

Mizoram-ah fire station 14 awm mekin 2020, January - October chhunga heng fire station tea bungraw kang chhe hu chhianchhiah chu hetiang hi a ni.