Karnataka-a Chief Minister Siddaraiamah chuan council of ministers tilianin Inrinni khan minister thar 24 lak luh an ni.

Governor Thaawarchand Gehlot chuan mi 24-te hi rinawmna thu a tiamtir.

Karnataka sorkarah hian minister 34 an awm ta a. An zinga 10-te hi chief minister leh a thachhangdawltu, DK Shivakumar tein May 20-a lak luh tawh kha an ni.

MLA HK Patil, Krishna Byregowda, N Cheluvarayaswamy, K Venkatesh, HC Mahadevappa, Congress working president Eshwar Khandre leh Congress president hlui Dinesh Gundu Rao te chu Inrinnia lak luh thar zingah hian an tel.

Kyathasandra N Rajanna, Sharanabasappa Darshanapur, Shivanand Patil, Ramappa Balappa Timmapur, SS Mallikarjun, Shivaraj Sangappa Tangadagi, Sharanaprakash Rudrappa Patil, Mankal Vaidya, Laxmi Hebbalkar, Rahim Khan, D Sudhakar, Santosh Lad, NS Boseraju, Suresha BS, Madhu Bangarappa, MC Sudhakar leh B Nagendra te an tel.

Lakshmi Hebbalkar, Madhu Bangarappa, D Sudhakar, Cheluvaraya Swami, Mankul Vaidya leh MC Sudhakar te hi Shivakumar-a lamtang deuhte an ni tih Congress chuan an sawi.

Minister thar zingah hian Lingayat hnam paruk leh Vokkaliga pali an awm.

Mi pathum chu Scheduled Caste an ni a, pahnih chu Scheduled Tribe leh panga chu Other Backward Class-a mi an ni bawk.

Dinesh Gundu Rao chu hnam tha, Brahmin a ni ve thung.