ZALEN Nov. 25. 2024; Aizawl Municipal Corporation (AMC) chuan krismas leh kumthar lo thleng tur pualin, Aizawla veng hrang hrangte kawn/ kawtthler cheimawi turin a ngen a, cheimawi zual 10 thlan chhuah Local Council/vengte Rs. 50,000 theuh a pe dawn.

AMC hotute hnen atanga ZALEN thudawn danin, kumin Krismas leh kumthar lo thleng turah kum danga lo tih thin tawh angin, Local Council bultumin veng tinah committee din theih a ni dawn a, kawn/ kawtthler cheimawite chu endik tur niin, a ti tha 10-te hnenah pawisa fai Rs. 50,000 theuh pek an ni dawn a ni.

AMC hiam veng/kawn cheimawite hnenah hian kumdangah pawh lawmman pawisa fai a lo pe tawh thin a, Tourism departmentin a buatsaih ṭum pawh a lo awm tawh.

Thudawn danin, tunah hian Aizawl veng thenkhatte chuan kawnchei hna an tan chho mek a, kawnchei tura ruahmanna siam mekte pawh an awm chho mek bawk.