ZALEN May 20, 2025; Inrinni (17.5.25) khan Saiphai khua chuan an buhfai lakna kawng NH-306 (A) siam tha in hnatlang an nei.

NH-306 (A) hi Saiphai bakah Saipum leh N. Chawnpui khua ten Vairengte kudam atanga ration buhfai an lakna kawngpui ber a ni a, helai kawng hi a that hma chuan Bagha kaltlangin ration buhfai hi an khua ah an phur lut thin. Kumina ruahtui tla avangin hmun thenkhatah he kawngpui hi kal hleihtheih loh khawpin a chhia a, helai kawng zawhtu lirthei ten harsatna an tawh thin avangin Saiphai VC te bultumin kawng chhe zual lai hi an siamtha a ni.

PWD chuan kawngpuia phah tur lung an ngaihtuah bakah JCB an thawhchhuahpui bawk a, lung te hi hnatlangin an phah a ni.