September 4, 2023; Chawngte khawchhung kawngpui chhiat avanga lungawi lohna lantir nan kawngzawh an rel a, vawiin ah Chawngte SDO (C)  kaltlangin Mizoram sawrkarah memorandum an thehlut.

Central Young Chakma Association (CYCA) President, Dr. Jyotir Bikash Chakma kaihhruaina hnuaiah chawngte a Chakma leh Mizo tlawmngai pawl hrang hrang te inrinni khan Central YCA office ah an thukhawm a, Chawngte khawpui chhung harsatna tawh hrang hrang sawihoin hmalak an rel.

Rorelah hian Chawngte khawchhung kawng chhia chungchang sawiin, mipui harsatna tawh mek chu hreawm an tiin, na an ti hle a, mihring leh lirthei tha taka kal thei tura kawngpui siam a nih theih nan hmalak nise an ti a, kawng siamthat a nih theih chak taka hma la turin sorkar an phut a, September 4, 2023 (Thawhtanni) hian Peacefull procession neih nise, hemi ni hian Mizoram sorkar ah Chawngte SDO (C)  kal tlangin memorandum thehluh nise, september ni 9 thlenga hmalak a awm lo a nih chuan a tul angin hmalak zel tum a ni.