ZALEN June 15, 2025: Mizoram sawrkara taxation department-in kumin (2025-26) April leh May chhunga chhiah a hmuh tawh zawng zawng zat chu Rs. 2,60,80,24,896 a tling a, heng zingah hian kawng siamna tur, ‘road maintenance cess’ a hmuh pawh Rs. 11,47,39,302 a tel.

Taxation department tar lan danin, kumin thla hnih chhunga chhiah hmuh tawh Rs. 2,60,80,24,896 zinga Rs. 1,78,54,50,007 chu GST atanga hmuh a ni.

Profession tax atangin Rs. 1,68,60,517 hmuh ni bawkin sales tax atangin Rs. 57,62,25,768, road maintenance cess atangin Rs. 11,47,39,302 leh entertainment tax Rs. 10,000 hmuh a ni tawh.

Hetihlai hian taxation department hian kum kalta, 2024-25 chhung khan chhiah chi hrang hrang atangin Rs. 11,49,81,88,170 an hmu.

Sawrkar kum kalta chhung khan April, 2024-ah chhiah hmuh tam berin hemi thla hian Rs. 1,65,01,97,183 hmuh a ni a, sum hmuh tlem ber thla, September, 2024-ah Rs. 64,91,61,389 hmuh a ni.

Nikum october atanga sawrkarin chhiah thar a lak kawng siamna tur, ‘road maintenance cess’ atangin Rs. 13,25,12,578 hmuh a ni a, vantlang hamthatna hna thawhna tur, ‘social infrastructure & services cess’ atang pawhin Rs. 1,13,25,12,578 hmuh a ni bawk.